Tag 5 – Clara und Lena:
Hello Leudis von heudis! Heid homma zwor Lagertag koppt, oba dank richtig krasse Workshops von de Leiter is uns trotzdem ned fad wordn. Gebn hods an DnD oiso Dungeons and Dragons Workshop, an Töpfer- und Yoga-Workshop, sowos mit programmieren, oana zum Bogenschießen und so Survival Zeig.
Am Obnd donn woan wia für a Logerfeier bei de Deitschn einglodn, wo wir donn richtig geile Lieder gsungan hom. Diese deitschn Pfadis kennan irgendwia nur so Seemannslieder und in jedm Lied schrein die komplett, oba es woa echt geil zum zuahean. Die Leid von denen woan so liab und symphatisch olle, des hod mi fost vom Hocker kaut. I hoff die ondern woin a wieda wos mit die Deitschn doan.
Tag 6 – Tobsi:
Heit wår amal a spur weniger los. Wir håbn alle ausgschlåfn und håbn uns an gmiatlichen Vormittåg gmåcht. Am Nachmittåg håbn voll vü an eahnere Åbzeichn gearbeitet. Seit dem wir a neichs System eingführt håbn, klemmen sie die GuSp då voll dahinter.
Wir håbn dånn a Mittagspause ausg’rufen, damit sich mal ålle wieder a wengal beruhigen und håbn a glei dazu g’sågt, dass es danåch a Zeltkontrolle gebn wird. Bei eben der Kontrolle håt uns dånn a wengal da Schlåg troffn, wia ma ins erste Zelt schauen und des ausschaut, als hätt a Bombe eingschlågn. Wås bei dem Zelt a schaß wår, wår dafür bei de andern besser, weshålb es a so unterschiedliche Ergebnisse in da Punktelistn gebn håt.
Tag 7 – Clara und Lena:
Heid woama in Kopenhagen, wos echt ziemlich cool woa! Wir woan zerst im World records Museum, wo echt geile Sochn ausgstöt woan. Unteronderm san do komplett gepiercte Frauen, riesen Männer und Männer, die Metall und Glas essen, ausgstellt. Danoch woan wir in so am Grusel-irgendwas, wos eigentlich echt ois ondere ois gruselig woa. Ois drittes und letztes Museum hom wir des „Believe it or not“ ongschaut. I man olle Museen in denen wir woan kean zomm und wemma scho 3 Museen hod, soit ma meiner Meinung noch schaun, dass ned überoi des gleiche in die Vitrinen steht.
